Ymgyrch Snap

Mae GanBwyll yn derbyn nifer o fideos a lluniau o bobl sy'n gyrru'n beryglus yn rheolaidd. Mae’r fideos a lluniau yn dangos modurwyr yn defnyddio ffônau symudol, yn anwybyddu goleuadau coch a llawer o fathau eraill o yrru peryglus a diofal. Dyma enghreifftiau o'r fideos rydym wedi derbyn a'r camau cymerwyd yn erbyn gyrwyr diofal.

Heddlu Dyfed-Powys – Adran 172 Methiant i Ddarparu Manylion Gyrrwr

Roedd cyflwynydd y deunydd hwn yn teithio ar yr A477, sef ffordd osgoi Llanddowror i Ros-goch, pan gafodd ei oddiweddu gan gerbyd BMW llwyd a groesodd linellau gwyn solet.

Rhoddwyd rhybuddion i geidwad cofrestredig y cerbyd, ond ni ddarparodd fanylion gyrrwr y cerbyd.

Aeth y mater i dreial yn Llys ar gyfres trosedd Adran 172 Methiant i Ddarparu Manylion Gyrrwr. Dyfarnwyd y ceidwad cofrestredig yn euog a chafodd ddirwy o £1000.

Heddlu Dyfed-Powys – Anwybyddu Golau Coch

Mae gyrrwr wedi cael dirwy o £146 a 3 phwynt cosb ar ôl gyrru drwy olau coch.

Cafodd fideo'r digwyddiad ar Heol Llethri, Llanelli, ei gyflwyno i GanBwyll drwy Ymgyrch Snap.

Cafodd y gyrrwr ei ddyfarnu'n euog o anwybyddu golau traffig coch yn y Llys.

Heddlu Dyfed-Powys – Sylw Dyladwy a Dim MOT

Recordiodd y modurwr a oedd yn teithio ar yr A470 yn Llanfair-ym-Muallt gerbyd Volkswagen Golf arian yn ei oddiweddyd heb roi ystyriaeth briodol i ddiogelwch defnyddwyr eraill y ffordd. Wrth i'r heddlu gynnal gwiriadau, nodwyd nad oedd gan y cerbyd MOT dilys ychwaith.

Aeth y mater i dreial yn y Llys ar gyfer troseddau Gyrru heb Sylw Dyladwy a Dim MOT. Dyfarnwyd y gyrrwr yn euog a chafodd ddirwyon o £880, 9 pwynt cosb a'i wahardd rhag gyrru am 6 mis.

Troseddau Gyrru Ymgyrch Snap FAQs